“Djajtë e Kuq” me fitore të thellë kalojnë në krye (VIDEO)

17:55 | 30 Shtator 2017
Arbresh Info

Pas fitores në mesjavë në Ligë të Kampionëve ndaj CSKA Moscow, Manchester United është rikthyer me fitore edhe në Premierë Ligë.

“Djajtë e Kuq” kanë vazhduar formën e tyre të pamposhtur kundër skuadrës së Roy Hodgson – Crystal Palaces duke fituar me rezultat të thellë 4 me 0, shkruan portali arbresh.info.

Marouane Fellaini shënoi dy herë ndaj Crystal Palaces

Pas golit të epërsisë nga Juan Mata në minutën e 3′ të ndeshjes në Old Trafford, Marouane Fellaini realizoi dy gola (35′) (49′), ndërsa goli i katërt nga skuadra e Jose Mourinhos u shënua nga sulmuesi në formë Romelu Lukaku.

Sulmuesi Marcus Rashford ishte asistues i dy golave të kësaj ndeshje.

Manchester United tani qëndron në krye të tabelës në Premierë Ligë me 19 pikë, tri më shumë se Manchester City para ndeshjes së tyre ndaj Chelseat./arbresh.info/